Día Internacional da Muller

Hoxe, Día Internacional da Muller, demos visibilidade a "AS NOSAS MULLERES" , a todas aquelas mulleres que son importante para o noso alumnado de Educ. Infantil.

Estes días previos, coa axuda das familias, os nenos/as trouxeron o debuxo do corpo dunha muller acompañada coa foto da cara da mesma. Posteriormente contaron aos seus compañeiros/as quen era esa persoa e por qué é importante para eles/elas. Puxemos en valor (e fixemos presente) a figura feminina.

E éste foi o resultado, a realización do seguinte mural exposto no noso centro escolar:

Esto é unha mostra máis do traballo diario que se leva a cabo nas nosas aulas de Educ. Infantil onde se potencian aspectos e actitudes encamiñadas a traballar e fomentar, entre outros moitos valores, o RESPECTO e a IGUALDADE (entre mulleres e homes, dereitos e oportunidades).

Día dos DEREITOS das nenas/os

Hoxe, 20 de novembro, celebramos nas nosas aulas o "Día Internacional dos DEREITOS das nenas e dos nenos".

Falamos e traballamos sobre todos os dereitos que teñen os nenos/as, dereitos que terían que estar presentes sempre en todos os recunchos do noso mundo.

Citamos, entre outros, os dereitos á IGUALDADE, a ter un NOME e unha NACIONALIDADE, a ter unha FAMILIA, dereito á SANIDADE, a PARTICIPAR, a unha EDUCACIÓN, e sobretodo, o DEREITO A XOGAR, algo que non debería faltar nos nenos e nenas de todo o mundo.