A MALETA DE 3 ANOS

Esta maleta tan chula vainos acompañar durante unhas semanas. A través da mesma, imos poñer en práctica unha dinámica de aprendizaxe cooperativo que nos axudará a coñecernos un pouquiño máis e a cohesionar o grupo. Viaxará a casa de tódolos nenos e nenas da clase. Cada día será o encargado ou encargada quen a leve e traia ó día seguinte con tres cousas que cada un considere como as máis importantes.

A profe foi a primeira en traer a maleta e todos estivemos moi atentos e atentas cando nos contaba porque elexira as cousas que viñan dentro.

Estamos desexando saber que vai vir nas próximas maletas!

A MALETA

Seguindo coa formación dunha metodoloxía basada no "APRENDIZAXE COOPERATIVO" que estamos a desenvolver no noso centro durante este curso escolar, dende hoxe, e durante unhas semanas, na AULA DE 5 ANOS levarase a cabo unha DINÁMICA de cohesión de grupo titulada "A MALETA".

Esta dinámica da MALETA consiste en coñecer un pouco máis aos nosos compañeiros/as da aula e, deste xeito, valoralos máis ainda. Para isto, cada neno/a traerá dentro de dita maleta tres cousas que son importantes para el/ela. Só TRES COUSAS. Por favor, NON interveñades na súa eleción, deixade que sexa o neno/a quen decida qué é importante para el/ela.

Por suposto, dentro desa eleción, tede en conta que o neno/a só pode traer cousas que entren dentro da maleta. Se iso non é posible, enviade algo característico do mesmo obxecto ou algo que o represente. Por exemplo, se un neno/a considera que para el/ela é moi importante a súa bicicleta, que traia só o casco, o timbre, unha foto dela, etc., ainda que despois na aula nos explique qué é o obxecto que trae, qué representa, e por qué é importante para el/ela.

Grazas, unha vez máis, pola vosa colaboración.